Në një enë të madhe shtoni miellin, hapni një gropë dhe shtoni në të kripën, sheqerin, majanë, qumështin dhe ujin. Punojeni mirë brumin dhe e lini të pushojë mënjanë për 20 minuta.
Hiqeni nga tasi dhe punojeni brumin mbi tavolinë. Nëse ngjit përdorni edhe pak miell. Në fund lyeni duart me pak vaj ulliri dhe rrumbullakoseni brumin. E lini të pushojë për të paktën 30 minuta.
Pasi të jetë gati, e ndani brumin në 12 toptha. Hapni secilën prej tyre në forma rrumbullake me madhësi mesatare. Për këtë lyeni vendin e punës me vaj, sepse do ju lehtësojë procesin e hapjes së piteve.
Merrni një tigan të mirë që nuk ngjit, shtoni pak vaj dhe vendosni pitet një e nga një për t’i skuqur.
I skuqni mirë nga të dyja anët. I kaloni në një pjatë me një letër kuzhinë poshtë për t’i thithur vajin, i shtoni kripë dhe rigon.
Mund t’i konsumoni fare mirë me djathë. Ju bëftë mirë!
Lini një koment