A na rrezikojnë kafshët shtëpiake nga COVID-19? Ja si qendron e vërteta

Vlen të ripërsërisim që COVID 19 është virus i ri, prejardhja e saktë e së cilit akoma nuk dihet. Deri tani është e vërtetuar që ky virus është mjaft ngjitës dhe transmetohet nga njëri person tek tjetri përmes spërklave në momentin që personi i infektuar kollitet, teshtin ose flet.

Megjithatë nuk mund të mungojë shqetësimi ynë edhe për të gjithë ata të cilët si pjesëtar familje kanë kafshë shtëpiake. A është e mundur që virusi COVID-19 të prekë miqtë tanë të vegjël si dhe a është e mundur të transmetohet ky virus te njerëzit?

Akoma nuk ka asnjë rast të njohur të transmetimit të COVID-19 nga kafshët shtëpiake te njerëzit. E megjithatë, duke qenë se të gjitha kafshët mund të mbartin baktere/viruse të cilat shkaktojnë sëmundje të ndryshme te njerëzit, gjithmonë rekomandohet të respektoni në përditshmëri rregullat bazë të higjenës edhe për ta.

Për cdo rast rekomandohet të:

• Lani duart pasi të keni prekur kafshët shtëpiake apo edhe ushqimin e tyre etj
• Zbatoni rregullat bazë të higjenizimit korrekt të tyre
• Kujdesuni për shëndetin e tyre duke u konsultuar vazhdimisht me veterinerin/neps.al