Receta e specave klasikë mbushur me mish viçi të grirë dhe oriz

1.Parangrohni furrën në 200 gradë C.

2.Merrni një tavë dhe vendosni në të specat e pastruar nga farat, njëra pas tjetrës.

3.Në një tigan me nxehtësi mesatare skuqni qepën e grirë imët. Shtoni edhe hudhrat.

4.Më pas shtoni mishin e viçit dhe e përzieni vazhdimisht me ndihmën e një luge druri.

5.Shtoni orizin, domatet e prera në kubik të vegjël, salcën e domateve, pak rigon dhe spec të kuq pluhur.

6.I lini në zjarr duke i përzierë vazhdimisht. Rregulloni shijen me kripë dhe piper.

7.Mbushni secilin spec me mbushjen që përgatitët.

8.I fusni në furrë të piqen për të paktën 20 minuta.

9.Më pas i nxirrni, i spërkasni sipër me djathë dhe i fusni në furrë edhe për 5-7 minuta të tjera.

10.I shtoni sipër pak majdanoz para se t’i servirni dhe shijojini!