Sugjerojmë:
Kjo recetë ju tregon si të përgatisni pastat e famshme rigatoni me salcë domatesh të freskët, kërpudha dhe shumë përbërës të tjerë që padyshim do ia shtojnë lezetin kësaj tryezës. Ju bëftë mirë dhe pse jo, ndajeni recetën edhe me miqtë tuaj!
Zieni pastat me metodën e zakonshme, por jo plotësisht në mënyrë që t’i lëmë pak aldente.
Ndërkohë në një tigan me pak vaj ulliri skuqni qepën, hudhrën dhe pas disa minutash shtoni kërpudhat. I trazoni mirë, shtoni salcën e domateve, borzilokun, djathin, kripën dhe piperin.
I përzieni mirë dhe i lini në një nxehtësi mesatare për 3-5 minuta. Shtoni kremin e djathit.
Tani shtoni lëngun e makaronave dhe e lini salcën në zjarr për 2 minuta të tjera.
Ndërkohë kulloni makaronat dhe i lini në tenxhere. Sipër i shtoni salcën që përgatitët dhe i përzieni mirë. I lini për 2-3 minuta në zjarr të madh.
Më pas i hiqni, i shërbeni të ngrohta sepse koha për t’i shijuar erdhi! Për servirje mund t’i shtoni sërish pak djathë të grirë parmixhano dhe pak borzilok.
Lini një koment