Krokante dhe të parezistueshme, edhe pse të pjekura në furrë e të përgatitura me perime, qoftet me bizele dhe fara susami janë një pjatë e dytë vegjetariane që do të çmendë fëmijë e të rritur! Janë të përshtatshme edhe nëse ndiqni një regjim ushqimor proteinik. Ja receta e thjeshtë hap pas hapi:
Përbërësit:
500 gr bizele të ngrira
150 gr rikota
125 gr peksimadhe (bukë e thekur e grirë)
40 gr parmixhano
50 gr fara susami
1 vezë
7 gjethe menteje
1 thelpi hudhre
Kripë
Piper
200 gr kos i plotë
Përgatitja:
1.Gatuani bizelet. Zieni ujë të kripur në një tenxhere, hidhini kripë dhe shtoni bizelet e freskëta ose të ngrira në ujin e vluar. Ziejini për 12 minuta. Më pas kullojini, lërini të vaken, frulojini me mikser së bashku me 2-3 lugë ujë nga zierja e tyre dhe 1 thelpi hudhër të qëruar e të copëtuar. Vendoseni purenë e bizeleve në një tas dhe përziejeni me rikotën.
2. Përgatisni masën e qofteve. Shtoni parmixhanon e grirë, bukën e thekur të grirë, vezën dhe 3-4 gjethe mente të copëtuara me duar. Shtoni kripë e piper dhe vendoseni përbërjen në frigorifer për 30 minuta. Pas kësaj kohe, lagini duart dhe formoni qofte në madhësinë e një arre. Nëse përbërja është shumë e qullët, shtojini edhe pak bukë të thekur të grirë.
3. Përgatitini për në furrë. Përzieni në një tas bukën e grirë të thekur me farat e susamit. Kalojini aty qoftet dhe më pas shtrojini në një tepsi ku keni shtruar letër furre të cilën e keni lagur dhe shtrydhur. Piqini qoftet në furrë të ngrohur në 200 gradë për 15 minuta, duke i kthyer në gjysmën e pjekjes.
4. Ndërkohë, hidhni jogurtin në një tas, hidhini kripë e piper dhe spërkateni me gjethet e mbetura të copëtuara të menteve. Shërbejini qoftet me bizele me këtë salcë të përgatitur.
Në një tas të madh shtoni gjalpin, sheqerin dhe lëkurën e limonit. I rrihni fort me një mikser elektrik. Më pas shtoni të verdhët e vezëve, kripën dhe ekstraktin e vaniljes. Pasi i keni trazuar mirë shtoni bajamet e...
Marrim miellin, vezët, kosin, vajin dhe lëngun e limonit dhe zëmë brumin jo shumë të fortë. Pasi e zëmë brumin e lëmë të qetësohet për gati një orë dhe më pas e ndajmë në 4 pjesë të barabarta. Secilën...
1. Përgatitja e Mbushjes: Në një enë të madhe, përzieni spinaqin e grirë, djathin, vezët e rrahura dhe qepën e grirë. Shtoni kripë dhe piper sipas shijes. Përzieni mirë derisa të bashkohen të gjithë përbërësit. 2. Përgatitja e Petëve:...
Lini një koment