Përjetimi i një tërmeti është deri diku i tmerrshëm dhe dëmton rëndë ndjenjën e sigurisë së brendshme, personale. Kjo mund të çojë fillimisht në frikë dhë dëshpërim e më vonë në stres, ankth, frikë për të hyrë në shtëpi dhe një ndjenjë alarmi gjatë gjithë kohës.
Ndjenja të tilla mund të përjetohen nga viktimat direkte, por edhe nga ata njërëz që nuk janë dëmtuar ose nuk kanë pasur të afërm që janë dëmtuar apo kanë humbur jetën. Por cilat janë disa mënyra për t’i menaxhuar këto ndjenja?
Si të menaxhoni stresin dhe ankthin:
Kërkoni ndihmë. Nëse tërmeti ka shkaktuar dëme fizike në ambientet tuaja private apo në komunitet, kërkoni ndërhyrjen e institucioneve.
Nëse vini re përkeqësim të shëndetit si pasojë e stresit, drejtohuni në qendrën shëndetësore më të afërt.
Flisni për stresin, ankthin, frikën. Ndani situatën, fillimisht me personat që keni pranë. Nëse gjykoni se situata është tej mundësisë personale për ta menaxhuar, drejtohuni tek specialisti
Ruani lidhjet me komunitetin. Në situata të tilla, ruajtja e lidhjeve, madje dhe ofrimi i ndihmës nëse është e nevojshme, ndihmon nga ana tjetër edhe në uljen e ankthit dhe në përmirësimin e gjendjes psikologjike.
Si të ndihmoni fëmijët për të menaxhuar stresin dhe ankthin:
Flisni me fëmijët lidhur me ndjenjat e tyre dhe se si/sa janë ndikuar.
Përgatituni të flisni për të njëjtat detaje disa herë.
Sigurohuni që ata të kuptojnë se ajo që ndodhi nuk është për fajin e tyre.
Sqarojini ata se edhe të rriturit ndonjëherë nuk e kuptojnë atë që po ndodh.
jepni më të mirën tuaj për të qenë mbështetës, të dashur, komunikues.
Inkurajojini ata të përfshihen në lojëra dhe aktivitet fizik.
Gjatë periudhës së shtatzanisë, të gjitha bëhemi shumë më të ndërgjegjshme për mënyrën tonë të të ushqyerit, se çfarë duhet të hamë e çfarë jo. Megjithatë, jo gjithmonë është e lehtë t’i kategorizosh ushqimet dhe pijet në çfarë DUHET...
Për të evituar infenksionet në veshka është ideale të konsumoni ushqime të shëndetshme që sigurojnë një larmi vitaminash, mineralesh dhe antioksidantësh që sigurojnë pastrimin e veshkave por që kanë sasi të vogla kaliumi dhe fosfori. Ushqimet që përmbajnë antioksidantë mund të...
Pushimet e verës për prindërit e rinj, të cilët kanë një bebe të porsalindur janë një sfidë jo pak e rëndësishme. Shpesh përballë kësaj situate ata përballen me pyetjen nëse duhet të bëjnë pushime në bregdet apo jo. Gjithmonë...
Lini një koment