Paçe e Dibrës, si nga dora e gjyshes
Miellin e misrit e skuqim me gjalpë derisa të marrë ngjyrë kafe të çelur, më pas e shuajmë me lëng mishi dhe e përziejmë që të mos krijohen kokrriza. E lemë të ziejë për 10-15 minuta duke përgatitur një...
Petulla të fshira, shije e paparë!
Kush mbaron tjetër për petullat e fshira? Epo jeni në vendin e duhur pasi Neps.al ju sjell sot recetën e tyre...
Ingredientët
- 500 gram miell
- 1 litër ujë
- Kripë
- 6 kokrra vezë
- 2 lugë gjelle vaj ose gjalpë i tretur
- 1 lugë gjelle gjalpë për lyerjen e tiganit
- Për mbushjen:
- 5 lugë gjelle vaj ulliri
- 6-7 thelpinj hudhër
- 200 gramë djathë i bardhë
Udhëzimet
1
Vendosim ujin dhe miellin në një tas dhe i trazojmë mirë me telin e vezëve, derisa të krijohet një masë homogjene.
2
Më pas shtojmë vezët dhe vazhdojmë përzierjen derisa masa të lidhet dhe të bëhet kremoze. Në fund shtojmë kripën dhe 2 lugë vaj.
3
Ngrohim tiganin në temperaturë mesatare dhe e lyejmë atë me pak gjalpë ose vaj duke e fshirë tiganin dhe më pas shtojmë një garuzhde me brumë duke e hapur në të gjithë sipërfaqen e tiganit, njësoj siç veprojmë me krepat.
4
E lemë 2 minuta të piqet dhe e kthejmë duke e pjekur petullën e fshirë nga të dy anët. Kështu veprojmë derisa të mbarojë i gjithë brumi.
5
Lyejmë një tavë të vogël me pak gjalpë ose vaj ulliri dhe vendosim petullat e shtrira duke vendosur mbi çdo petull pak djathë të thërrmuar, hudhrat e grira imët dhe pak vaj ulliri.
6
Kështu vazhdojmë deri në përfundimin e petullave, e spërkasim në fund sipërfaqen me djathë, hudhër dhe pak gjalpë dhe e vendosim tavën në furrë në temperaturën 220 gradë Celsius për 20 minuta.
Shënime
Receta dhe fotoja realizuar nga Zonja Vjollca. Marrë nga shqiptarja.com
Lini një koment