Paçe e Dibrës, si nga dora e gjyshes
Miellin e misrit e skuqim me gjalpë derisa të marrë ngjyrë kafe të çelur, më pas e shuajmë me lëng mishi dhe e përziejmë që të mos krijohen kokrriza. E lemë të ziejë për 10-15 minuta duke përgatitur një...
Parfe pa pjekje, gati në 10 minuta!
Sa na shijojnë këto ëmbëlsirat që nuk na bëjnë shumë pis apo jo? E tillë është edhe kjo, prandaj ju ftoj t'i hidhni një sy recetës...
Ingredientët
- Për karamelizimin e boronicave të kuqe:
- ½ filxhan me lëng portokalli natyral
- ½ filxhan me sheqer
- 1 ½ filxhan me boronica të kuqe
- Për parfenë: 220 gram krem djathi
- 1/3 filxhan me lëng portokalli
- 3 lugë me krem të gatshëm
- ¼ filxhan me sheqer
- 2 lugë çaji me ekstrakt vaniljeje
- 1 ½ filxhan me biskota të thërrmuara
- Krem i bardhë për në sipërfaqe (blihet i gatshëm në formën e shisheve që shkunden para përdorimit)
Udhëzimet
1
Merrni një tavë dhe vendosni në të një letër pjekjeje.
2
Në një tas bashkoni lëngun e portokallit dhe sheqerin. I përzieni mirë për gati 3 minuta, derisa sheqeri të shkrijë tërësisht.
3
Shtoni boronicat e kuqe dhe i përzieni mirë.
4
Më pas i kaloni boronicat tek tava dhe i lini mënjanë për gati 30 minuta.
5
Ndërkohë fillojmë përgatitjen e parfesë.
6
Në një tas rrihni mirë kremin e djathit derisa të bëhet krem. I shtoni lëngun e portokallit, kremin e gatshëm, sheqerin, vaniljen dhe i rrihni sërish me mikser për 3 minuta.
7
Kalojeni masën në një qese plastike dhe shtypeni derisa mbushja të dalë në majë.
8
Merrni 6 gota për servirje.
9
Tek baza e secilës vendosni një sasi të barabartë biskotash të thërrmuara.
10
I ngjeshni mirë me dorë.
11
Sipër i shtoni secilës kremin që përgatitët.
12
E rregulloni pak me lugë dhe i vendosni në fund boronicat e karamelizuara.
13
Në majë të çdo parfeje vendosni edhe pak nga kremi i gatshëm, sikurse e shihni në foto.
14
I lini parfetë në frigorifer për 1 orë sa të forcohen pak, por nëse dëshironi mund t’i shijoni edhe menjëherë.
Lini një koment