Paçe e Dibrës, si nga dora e gjyshes
Miellin e misrit e skuqim me gjalpë derisa të marrë ngjyrë kafe të çelur, më pas e shuajmë me lëng mishi dhe e përziejmë që të mos krijohen kokrriza. E lemë të ziejë për 10-15 minuta duke përgatitur një...
Kek i shijshëm shtëpie me arra dhe shërbet
Na duhej një ëmbëlsirë si e shtunë që është apo jo? Hidhini një sy recetës së kekut me arra e shërbet...
Ingredientët
- 3-4 kokrra vezë
- 1 ½ filxhan çaji miell
- 1 filxhan çaji arra
- ½ filxhan sheqer
- ½ filxhan vaj
- 1 lugë kafe kanellë
- 1 bustinë vanilje
- 1 lugë kafe pluhur pjekës
- Për shërbetin: 2 filxhanë sheqer, 2 filxhanë ujë, 1 filxhan kafe ekspres
- Për kremin: 1 gotë pana ëmbëlsire, 2 gota qumësht, 3 lugë gjelle niseshte, 3 lugë gjelle sheqer, 1 bustinë vanilje
Udhëzimet
1
Rrahim vezët me sheqerin sa të rritet volumi e masa të bëhet si krem. Perziejmë miellin me pluhurin pjekës dhe me kanellën dhe fillojmë ta shtojmë gradualisht tek vezët duke e situr dhe duke e përzier nga poshtë lartë.
2
Gjatë kohës që shtojmë miellin shtojmë dhe vajin dhe më pas arrat e grira.
3
Lyejmë një tavë me pak gjalpë ose vaj dhe hedhim masën e përgatitur dhe e vendosim të piqet në furrë në temperaturën 175-180 gradë Celsius për 40 minuta.
4
Ndërkohë përgatisim sherbetin. Hedhim në një tenxhere ujin dhe sheqerin dhe e lemë të ziejë për 5 minuta.
5
Në fund shtojmë 1 filxhan kafe ekspres dhe e lemë shërbetin të ftohet.
6
Pasi keku të jetë pjekur e sherbetosim dhe e lemë që ta përthithë mirë sherbetin.
7
Ndërkohë përgatisim kremin me të cilin do të servirim kekun me arra.
8
Vendosim qumështin të ngrohet dhe ndërkohë trazojmë në një enë panën me niseshten, vaniljen dhe sheqerin. E shtojmë tek qumështi dhe e lemë kremin të marrë valë.
9
E lemë kremin të ftohet dhe pasi keku ta ketë përthithur plotësisht sherbetin vendosim kremin mbi kek duke e niveluar mirë.
10
E spërkasim në fund me pak arra të thërrmuara dhe e lemë të ftohet për ta shijuar më pas.
Shënime
Receta marrë nga: balkanweb.com
Lini një koment